"അമ്മ" യെന്നുള്ളോരീ രണ്ടക്ഷരം
മണ്ണിലെല്ലാത്തിനും മീതെയല്ലോ.
അമ്മയെന്നുള്ളോരീ വാക്കിനോടുപമിക്കാന്
വേറൊരു വാക്കുമില്ലീയുലകില്
ഈ ഭൂമിയൽ ഞാ൯ കണ്ട ദൈവവും അമ്മ
ഈ ജന്മത്തില് ഞാ൯ കണ്ടറിഞ്ഞ സത്യവും അമ്മ
ഒരു നല്ല വഴികാട്ടിയാണെന്നുമെന്റെ അമ്മ..
എന്നും നല്ലൊരു തോഴിയും അമ്മതന്നെ …
.
അമ്മത൯ വിരല്ത്തുമ്പില് ഞാ൯ സ്വയം മറന്നു
ആ കണ്ണുകളിൽ ഞാ൯ സ്വര്ഗ്ഗം കണ്ടു
പ്രിയ ജനനി നിന്റെ മുഖപ്രഭയിൽ
സൂര്യനും ചന്ദ്രനും നിഷ്പ്രഭന്മാര് ...
നിന്റെ പാദാരവിന്ദത്തിൽ ചെയ്തിടാം ഞാനെന്നും
അശ്രുപുഷ്പങ്ങളാൽ അര്ച്ചനകള്
ഇനിയൊരു ജന്മമുണ്ടെങ്കിൽ വീണ്ടും നിന്നുദരത്തിൽ
മകളായിവന്നു പിറക്കാനെനിക്കുമോഹം...
.....ഗൌരി
No comments:
Post a Comment